Nasa kustodiya na kan Philippine Coast Guard (PCG) ang 15 pinoy na survivor asin lawas kan 2 nagadan na crew members kan M/V Devon Bay makalihis maturn-over kan Chinese Coast Guard (CCG).
Basado sa pahayag kan PCG, nakua an mga pinoy crew members makalihis an isinagibong turnover operation sa pagultangan kan PCG assin CCG na may rayong 168 nautical miles pakanlurang parte kan Tambobong, Pangasinan.
Susog pa sa PCG, nailipat ang mga pinoy sa paagi kan rigid-hull inflatable boats huli sa dakula an hukol kaya dae makapagdukot an duwang barko. Mantang nakikipagkoordinar an man an PCG sa pamilya kan duwang nagadan nganing matawan nin maayos na lubong an mga biktima.
Presenteng lunad kan BRP Teresa Magbanua (MRRV-9701) an 17 crew members na piglalaomang makakaabot sa Pier 13 ng kan Port Area sa ciudad kan Manila, Lunes nin aga. Mantang sienerto man kan PCG na padagos man an ipigsagibong search and rescue operation sa 4 pang nawawara.
Huring nahiling an M/V Devon cargo sa rayong 262 kilometro sa kanlurang parte kan Sabangan, Pangasinan, bandang alas-8:30 nin banggi kan Huwebes karga an iron ore pasiring sa Guangdong China.
Mientrastanto, nagpaabot naman nin pasasalamat si PCG spokesperson Captian Neomie Cayabyab sa ahensya kan CCG para sa humanitarian assistance nganing masierto an pagmamantinir nin kaligtasn kan buhay sa kadagatan.
