Gadan an 15 katawo mantang 40 iba pa an lugadan sa nangyaring pagsabog sa sarong pharmaceuticals manufacturing plant sa Andhra Pradesh state kan India.
Segun kay District Superintendent of Police M. Deepika, pinagtutubudan na hali an pagsabog sa chemical reactor kan pabrika.
Pigkakahandalan na madugangan pa an numero kan mga nagadan huli ta kadaklan kan mga nalugadan an nasa kritikal pang kondisyon.
Naidalagan na sa ospital an gabos na nalugadan sa insidente na mahigot ng pigbabantayan kan doktor.
Mientras tanto, naglunsar na nin imbestigasyon an gobyerno ngani na maaraman kung ano talaga an pinagpunan kan pagsabog.
