LEGAZPI CITY-Presenteng nawawara an sarong 14-anyos na aki mantang nagkukuwa suboot nin niyog kaiba an duwa pang kaparyentes kaini.
Segun sa ina kan aki, sa intrevista kan Bombo Radyo Legazpi, na nagkaturog an saiyang aki sa kaparyentes ninda asin kinaagahan, nagiribahan suboot ini para magkuwa nin niyog.
Paghistorya pa niya na dai man nagpaaram sainda an aki huli sa sanay sindang naghahale ini sa harong ngani magkuwa nin niyog.
Alagad segun sa pagiriba, posibleng naanod an 14-anyos na aki mantang nahudyan ini asin nagbabalyo sinda sa sarong salog.
Nawawara an nasabing aki poon pa kasubagong aga ngonian na aldaw nin Domingo, Disyembre 7, 2025.
Pangapudan kan pamilya na kun sisay man an nakahiling sa 14-anyos na aki an tulos na magapod sa numero na 09922070601.
