LEGAZPI CITY-Inanunsyo kan militar kan Estados Unidos na nagsagabo sinda nin tulong airstrike laban sa mga pigtutubudang mga barko na imbuelto sa drug trafficking sa Kadagatang pasipiko asin Caribbean sea, kun sain ikinagadan ini kan dai mababa sa 11 katawo.
Segun sa US Southern Command (SOUTHCOM), na duwang pag-atake an isinagibo sa sirangang pasipiko asin Caribbean bilang parte kan kampanya na pigaapod na Operation Southern Spear.
An administrasyon ni US President Donald Trump an nagsasagibo nin mga pag-atake laban sa pinagtutubudang drug-trafficking boats sa katubigan na harani sa South America, bilang parte kan saindang kampanya laban sa drug cartel.
Basado sa mga report, dai mababa sa 145 na katawo an nagadan sa 42 na pag-atake poon kan Setyembre 2025.
Ipinapahiling suboot ni Trump an kampanya bilang lakdang ngani mapugulan an paglaog kan mga ilegal na droga sa Estados Unidos.
Mientrastanto, kinondena man kan nagkapirang eksperto sa ley an nasabing kampanya, na pigaapod nindang serye nin extrajudicial killings o panggagadan nin warang due process.
