LEGAZPI CITY-Gadan an sampulong katawo sa sarong pag-atake kan ballistic missile kan Russia sa drone exhibition harani sa Kyiv.
Segun kay Ukraine President Volodymyr Zelensky, labi 100 an nairido sa nasabing pag-atake na inatendiran kan mga miyembro kan sektor kan depensa.
Afuera digdi, lima pang katawo an nagadan sa ciudad kan Sloviansk makalihis tamaan kan Russian glide bombs.
Nagpatanid man si Zelensky na igwang impormasyon sindang naresibe na posibleng magsagibo liwat an Russia nin mahiwasang missile strike sa laog nin 48 oras.
Mientras tanto, anom an gadan asin 26 an nairido sa Kirov, Russia makalihis an magdamlag na airstrike kan Ukraine.
Padagos man na pigiimbestigaran kan mga otoridad sa Ukraine kun nata pigpadagos an nasabing pampublikong exhibition sa tahaw kan mga peligro.
