LEGAZPI CITY-Nagsalpukan an duwang motorsiklo sa Brgy. San Francisco sa Bulan ciudad kan Sorsogon.
Segun kay Shane Ofracio, team leader kan Bulan Municipal Disaster Risk Reduction and Management Office (MDRRMO), sa intrevista kan Bombo Radyo Legazpi, 4 an biktima sa salpukan, 1 an idineklarang dead on arrival, asin 3 an irido pa huli sa nasambitang insidente.
Nai-report man suboot an insidente kan sarong concerned citizen na nakatenir sa gas station, alagad tulos na nagresponde an nagkapirang kapulisan asin an Bulan-MDRRMO.
Dugang pa kan opisyal, bako ini an enot na aksidente sa lugar na saindang narespondehan ngunian na taon.
Sa pagresponde kan nasambitang ahensiya, bako malinaw suboot kung may mga sulog na helmet an mga biktima.
Pagirumdom ni Ofracio na magin doble ingat asin dae paglingawan an pagsulog nin helmet huli sa dakulang tabang ini sa mga motorista ngani maibitaran an mga siring kaini na aksidente.
