Gadan an sarong katawo mantang 10 iba pa an nalugadan sa drone strike kan mga rebeldeng Houthi sa Israel.
Segun sa Israeli military, nagresponde an mga suldado sa sarong makusog na pagsabog na nadangog sa tinampo kan Tel Aviv.
Pag-abot sa lugar binawian na nin buhay an sarong biktima mantang 10 iba pa an nalugadan kan nagtalsikan na shrapnels.
Ini na an kaenot-enoting bes na may nakalusot na pag-atake sa iron dome kan Israel.
Huli sa insidente mas pinahigot na kan Israel an saindang seguridad asin nagkaag nin mga fighter jets na magbabantay sa airspace.
Magigirumduman na magpuon kan magputok an gera kan Israel asin Hamas sa Gaza, sunod-sunod ng nagpalayog nin missiles, drones asin rockets an Houthi kan Yemen asin militanteng Hezbollah kan Lebanon.
