LEGAZPI CITY-Sa pagselebrar kan “Buwan ng Wika” ngonian na Agosto, pigtawan doon ni Isabela State University Doctor of Philosophy Director Mark-Jhon Prestoza kun ano an lugar kan wilang Filipino sa panahon kan makabagong teknolohiya.
Segun sa saiyang pahayag, sa tema kan “Binhing Wika, Makinang Kaalaman Filipino” sa sarong open learning na sa panahon ngonia, igwang kakayahan an mga makabagong teknolohiya siring kan AI o Artificial Intelligence na makasabot, magsalin, o makagibo nin kaaraman.
Sa paagi kaini, nadi-digitalized na suboot an mga wika asin posibleng maglago asin magin parte kan ecosystem kan digital knowledge sa panahon na ini.
Kun kaya sinabi ni Prestoza na kinakaipuhan na magkaigwa an mga estudyante nin enot na kaaraman na makabasa, makasabot, maghapot, asin magheras nin kaaraman gamit mismo an wikang Filipino bilang instrumento kan komunikasyon asin kakayahan para sa progresibong kaaraman.
Dakulang kahapotan man suboot sa presente, bako kun pano magagamit an AI sa wikang Filipino, kundi kun magigin parte suboot an wikang Filipino sa paghubig kan AI.
Sa ibong kaini, pigtampok kan United Nations Educational, Scientific and Cultural Organization (UNESCO) na an liguistic diversity, kaipuhan na magkaigwa nin presensya sa makabagong teknolohiya kaibanan na an machine translation, speech recognition, magin an Natural Language Processing.
