Ipigbubusol kan gobierno an mas mahigot asin organisadong pamamayo sa paggamit kan Artificial Intelligence sa nacion sa paagi kan bagong kasuguan na pinirmahan ni Presidente Ferdinand Marcos Jr.

Sa irarom kan Executive Order No. 131, binilog an National Artificial Intelligence Council o NAIC na mamamayo sa pagpapaotob kan mga polisiya asin programa para sa responsable asin salbado na paggamit kan AI.

Obheto kan konseho na siertuhon na uyon sa pambansang interes an pagbilog asin paggamit kan makabagong teknolohiya, partikular sa orolay kan seguridad, transparency, pananagutan asin proteksyon sa diretsos kan publiko.

Kaibanan man sa mga prayoridad kan kasuguan an pagpapahewas kan AI education, pagsasanay sa mga obrero, pagpapakusog kan digital infrastructure asin pagsuporta sa mga pag-aadal asin inobasyon.