LEGAZPI CITY-Pigagyat an whistleblower asin saro sa mga akusado sa kaso kan mga nawawarang sabungero na si Julie Patidongan alyas Totoy ni retired Judge asin Philippine Charity Sweepstakes Office (PCSO) chairman Felix Reyes na magpa-lie-detector test.

Makalihis na nigaran kan retiradong hukom an akusasyon ni alyas Totoy na pag-areglo niya sa mga kaso para sa negosyanteng si Atong Ang.

Kinuwestyon man ni Reyes an timing kan pagsisiwalat kan nasambitang akusasyon laban sa saiya kasabay an aplikasyon sa posisyon kan Ombudsman.

Liwat segun kay alyas Totoy, bago gibuhon an lie detector test kaipuhan muna niyang ipaaram ini sa kaniyang abogado.

Naenot na man na inakusaran ni alyas Totoy si Reyes kan pagbiyahe suboot sa abroad kairiba an mga prosecutor asin iba pang hukom para sa suboot pag-areglo kan kaso.