LEGAZPI CITY- Padiit-diit ng nagbabalik sa normal an water concentration sa lake Buhi sa Camarines Sur alagad nagtetenir na hibaba an dissolved oxygen sa tahaw asin irarom na parte kaini.
Ini makalihis an nangyaring fish kill na naka apektar sa nasa 450 tons nin sira asin nagkawsa nin nasa P17.1 Million na damages.
Segun ki Bureau of Fisheries and Aquatic Resources Bicol spokesperson Rowena Briones sa intrevista kan Bombo Radyo Legazpi na nagtetenir man na hibaba an lebel kan ammonia na posibleng magkawsa nin stress sa sira.
Sinabi kan opisyal na posibleng nakaapektar sa nasabing katubigan an mga makukusog na pag-uran na nakapagyugo sa water layer kaini na nagkawsa nin gas na toxic para sa mga sira.
Huli digdi, nagpagirumdom an ahensya sa lokal na gobierno asin sa mga may tagsadiri kan fish cages na imantenir an good aquaculture practices.
Mientras tanto, sinabi ni Briones na kinuwa na man ninda an listahan kan mga apektadong fisherfolks asin naisumiter na sa national office asin sa Department of Agriculture.
