Ipigbuyagyag ni Bise Presidente Sara Duterte na igwa nin malinaw na kagustuhan an saiyang ama na si dating Presidente Rodrigo Duterte enkaso siya magadan mantang nasa kustodiya kan International Criminal Court (ICC) sa The Hague, Netherlands.
Segun ki VP Sara, mismong ama kaini an nagsabi na gusto niyang i-cremate an saiyang bangkay asin sa Netherlands gigibohon an cremation.
Mawot sana suboot kan dating Presidente na ibalik sa Pilipinas an saiyang mga abo.
Ipigshare ini ni VP Sara matapos bisitahon si dating Presidente Duterte sa detention facility kan ICC kan Martes.
Dawa ngani dae siya nag-uyon sa plano kan saiyang ama, nanindugan suboot an dating Presidente na ipapadagos niya man giraray ini dawa dae pag-uyonan kan saiyang pamilya.
 in The Hague, Netherlands.){kind=link}