LEGAZPI CITY-Nagpahayag nin kahandaan si Vice President Sara Duterte na mag-asumir sa pwesto enkaso magdemitir si President Ferdinand Marcos Jr huli suboot sa padagos na korapsyon sa nacion.
Dugang pa kaini na dae dapat pagkwestyonon an saiyang kahandaan huli ta nagpresentar siya kan saiyang sadiri kan magkandidato bilang Bise Presidente kan nacion kun sain basado suboot sa ley siya an nakalinya na masalida sa presidente enkaso kaipuhanon.
Sinabi man kan Bise na igwa siyang sinumpaan na dapat niyang idepensa asin ipreserba ini sa anumang paagi.
Preparado man suboot si Vice President Sara na ibahan pa si Presidente Marcos ngani magsairarom sa drug test ngani malinawan an mga akusasyon kontra saiya na naggagamit ini nin iligal na droga.
Enot na man na sinabi ni Palace Communications Undersecretary Claire Castro na an mga tagasuporta ni Duterte iyo an makusog na nangangapodan na magdemitir na si Presidente Marcos ngani na makatukaw na siya sa pwesto bilang Presidente kan nacion.
