LEGAZPI CITY- Nagsagibo na nin occular inspection an Municipal Disaster Risk Reduction and Management Office (MDRRMO ) Virac Catanduanes sa mga lugar na naapektaran kan bagyong Enteng.
Sa intrevista kan Bombo Radyo Legazpi kay Mark Matira an operation Chief kan MDRRMO Virac, may mga nagkapirang barangay sa banwaan an binaha alagad makaskas man na naghupa an baha makalihis an pag-uran kasuudma.
Uminabot suboot sa eksan kan tawo an baha sa Brgy Palta asin Tubaon alagad maswerteng wara man residentes an inibakwar huli ta ligtas man an mga ini.
Nagkaigwa man nin clearing operation an team kan MDRRMO sa nairehistong minor landslide sa Brgy. Dugui alagad passable man liwat an tinampo sa mga motorista .
Sa ngunian nakapreparar man an nasabing ahensiya asin igwang preposition nin mga goods para sa mga remote areas na labing naapektaran kan kalamidad.
