LEGAZPI CITY-Pighayag ni House prosecutor Bicol Saro Party-list Rep. Terry Ridon na makusog pa man liwat an suporta sa pagpapatalsik kay Vice President Sara Duterte magin an mga mambabatas gikan sa Mindanao asin Visayas.
Segun ki Ridon, bilang tagapamayo kan House Committee on Public Accounts, na an dakulang numero kan boto sa kamara, nagpapatunay na an suporta sa impeachment hale sa manlain-lain na partidong pampolitika, rehiyon, asin alyansa.
Nasa 257 na mga mambabatas an nagboto na pabor sa pag-apruba kan Articles of Impeachment laban kay VP Duterte.
Basado sa opisyal na talaan kan Kamara sa Visayas – 43 sa 50 mambabatas an nagboto na pabor sa impeachment.
Sa Mindanao, nasa 41 sa 61 kongresista an pabor: 125 sa 142 na kinatawan an nagpahiling nin suporta.
Huli digdi, susog sa Kongresista, napasinungalingan an mga paratang na an impeachment huli sana sa interes kan Luzon o sa tinaguriang “Imperial Manila.”
Pigreklamo si VP Sara huli sa suboot maling paggamit kan P612.5 milyong confidential funds, pigtataong kayamanan, panunuhol asin pagbabanta sa buhay ni President Ferdinand R. Marcos Jr., First Lady Liza Araneta-Marcos, asin dating House Speaker Ferdinand Martin G. Romualdez.
Mientras tanto, naisumiter na an Articles of Impeachment sa Senado na piglalaomang magbubukas bilang sarong Impeachment Court sa aga, Lunes, Mayo 18, susog sa promisa ni Senate President Alan Peter Cayetano.
Sinabi ni Ridon na maatendir an bilog na 11-member House prosecution panel sa pagbubukas kaini sa ganap na alas-tres nin hapon para sa pormal na pagpoon kan paglilitis.
