Nahahampang si Pasig City Mayor Vico Sotto asin tulo pang mga opisyal kan ciudad sa reklamong graft asin pagbayolar sa Government Procurement Reform Act.
Ini an katakod kan suboot dae naibarewas na cash allowance para sa mga empleyado kan Pasig City Hall.
Kaibanan ni Sotto na nahahampang sa kaso sinda Human Resources Development Office head Elvira Flores, City Administrator Jeronimo Manzanero, asin Bids and Awards Committee head Josephine Bagaoisan.
Sa reklamong ipigsunad sa Office of the Ombudsman kan Hulyo 30, 2024, inakusaran kan residente kan Pasig na si Michelle Prudencio an mga opisyal na dae ipigbarewas an P1,500 allowance sa mga empleyado kan Pasig City Hall para sa ika-451 na “Araw ng Pasig” kan Hulyo 2, 2024.
Nakalaag pa sa reklamo na imbes suboot cash allowance, tinawan sana an mga empleyado nin commemorative t-shirts na nakuwa suboot sa warang matanos na procurement process.
