Luminobo pa sa P17.71 trilyon an kabilugan na utang kan Pilipinas hasta sa katapusan kan Disyembre 2025.
Nairehistro kaini an bagong pinakahalangkaw na kantidad na utang sa ika-tulong magkakasunod na bulan na luminagpas sa bilog na taon na borrowing target kan Marcos administration.
Basado sa datos kan Bureau of the Treasury (BTr), mas halangkaw ini nin 10.32% kumparar sa P16.05 trilyon sa kaparehong panagon kan sinundan na taon.
Pighihiling na resulta ini kan strategic net issuance kan government debt instruments ngani na pondohan an nagkapirang mga development program.
Luminagpas man an kabilugan na utang sa borrowing program na ipigtalaan sa P17.36 trilyon.
Naglangkaw an domestic borrowings sa P12.2 trilyon mantang an external debt an nairehistro sa P5.59 trilyon.
