Pighayag kan Bureau of Treasury na luminobo pa an utang kan gobierno kan Pilipinas sa P16.63 trillion sa pagtatapos kan bulan nin Abril sa presenteng taon.
Ini an nasa 1.96% o P319.36 billion na mas halangkaw kumparar kan Enero.
Nagkapira sa mga rason kan pag-utang kan gobierno an ngani na masuportaran an mas dakol pang programa asin proyekto.
An external debt kan Pebrero an nagsakat sa P11.22 trillion na mas halangkaw nin P139.62 billion kumparar sa nairehistro kan Enero.
An internal debt man sa kaparehong bulan an naglobo sa P5.41 trillion, na mas halangkaw nin P179.64 puon kan Enero.
Sa ibong kan paglangkaw kan utang kan gobierno kan Pebrero, nanindugan an economic managers kan Pilipinas na nagtetenir ining manageable puon kan pandemya.
