Sinabi ni American gymnast Jordan Chiles na bako patas an pagbawi kan saiyang bronze medal na ginanahan sa Paris Olympics.
Marurumduman na nanggana si Chiles nin bronze sa women’s floor exercise sa Paris kan Agosto 5 kan magsumiter an saiyang coach nin inquiry ngani na i-challenge an inisyal na score kan mga judges.
Nabago man an nasabing score hali sa 13.666 pasiring sa 13.766 kaya uminangat si Chiles sa ika-tulong pwesto asin nalagpasan sa an mga Romanian na sinda Ana Barbosu asin Sabrina Maneca-Voinea.
Ipigrani kan Romania an kaso sa Court of Arbitration for Sport asin sinabing an inquiry kan Estados Unidos an dae nagibo sa laog nin one-minute window na nakalaag sa rules.
Sinabi kan Romania na an mga Americans an luminagpas nin apat na segundo.
Nagpabor man an Court of Arbitration for Sport sa Ronamia asin pigsugo na bawion an bronze medal ni Chiles asin itao ki Barbosu, na nag-tie sa 13.7 sa execution score.
Nagdepensar man an USA Gymnastics na igwa ining video evidence na magpapahiling na nag-appea si coach Cecile Landi sa laog nin 47 segundo makalihis maipahiling an schore ni Chiles, na laog sa time limit alagad nanindugan an Court of Arbitration for Sport na dae na bubuksan pa an kaso.
Huli digdi, plano kan USA Gymnastics na umapelar sa Federal Supreme Court kan Switzerland.
