Gadan an anom na soldados kan Estados Unidos sa sarong airstrike kan Iran sa military facility sa Kuwait.
Naenot nang sinabi kan US Central Command na tolong tawo an nagadan, alagad nadoble ini makalihis na magadan an sarong soldados sa ospital asin nakuwa ninda an duwa pang bangkay nin mga soldados na nakalubong sa mga nagaba na edipisyo.
Kinumpirmar man ni US Secretary of Defence Pete Hegseth na tinamaan kan Iran airstrike an bunker kan Estados Unidos sa Kuwait.
Ini sana an insidente na kinumpirmar kan US na na may nagadan sa mga soldados kaini poon kan maglansar ini kan pag-atake sa Iran kan Sabado.
