LEGAZPI CITY-Nagsagibo nin pag-atake an Estados Unidos sa mga pasilidad kan missile asin drone kan Iran, siring man an radar sa baybayon kaini, bilang simbag sa pag-atake suboot kan Iran sa sarong cargo ship.
Nangyari ini sa tahaw kan tigil-putukan sa Middle East.
Segun sa US Central Command, an strikes an simbag sa bako makatuwirang pagsalakay kan Iran na nagbayolar sa ceasefire.
Sinabi kan Estados Unidos na ini an simbag ninda sa pag-atake sa barko na nag-agi sa Strait of Hormuz.
Napag-araman na an nanyaring pagpapasabog sa pantalan kan Taherouyeh sa timog Iran kun sain pigbasol ni US President Donald Trump an mismong drone strike kan Iran, asin inapod niyang pagbalgar sa kasunduan.
Mientras tanto, nagpirma nin kasunduan an Israel asin Lebanon sa US para sa katoninongan, mantang nagpatanid man an Hezbollah na posibleng magresulta ini sa civil war sa Lebanon.
Sa orolay mapadapit sa nuclear, sinabi kan UN nuclear watchdog, na kaipuhan nin mahigot na sistema kan pag-verify ngani masierto na dai masagibo nin sandatang nukleyar an Iran.
Sinabi man kan International Atomic Energy Agency (IAEA) na haros dai pa nagpopoon an orolay sa Iran mapadapit sa nasabing nuclear weapon.
