LEGAZPI CITY- Desididong magsangat nin kaso an ama kan 7-anyos na aking lalaki na nabangga-gadan nin sarong jeep sa Brgy. Banquerohan syudad kan Legazpi.
Sigon sa ama kan biktima, ipapadagos nya an demanda sa suspek huli ta apwera sa mamundong sinapar kan saiyang aki, dakol pa suboot ining madi-diskwido kun papabayaan na libre sa ibong kan pagigin kaskasero sa tinampo.
Sigon pa digdi, dapat na aram kan siisay man na drayber an patakaran sa trapiko na kaipuhan na magluway-luway sa pagpapadalagan kan behikulo tuyong harani sa mga eskwelahan.
Dagit man ini sa nagin entrada saiya kan ama kan 22-anyos na suspek na garo iyo pa an dagit kan haputon sya kun dae mapa-areglar.
Dapat na ikonsidirar suboot kaini an saiyang namamatean huli ta pareho sindang igwa nin aki.
Pangapodan ngunyan kan ama sa PNP na tabangan syang mapanimbag sa ley an suspek ngani na matawanan nin hustisya an pagkagadan kan saiyang aki na ma-grade 2 na kuta sa masunod na ralaogan.
