Bahagyang nagbukas an mga erpuerto sa United Arab Emirates (UAE), na magtataong dalan sa 20,000 biyahero, kaibaan an mga Pilipino na maipagpadagos an saindang paghali makalihis an paramientras na pagsasarado kan airspace.
Segun sa General Civil Aviation Authority (GCAA), pinuunan na an “exceptional flight operations,” alagad pinayuhan an mga pasahero na dae magpasiring sa airport hasta sa dae pigko contact kan saindang airline ngani na maibitaran an aberya.
Sinabi ni Consul General Ambrosio Brian Enciso III, head kan Philippine mission in Dubai and the Northern Emirates na “cautiously optimistic” an Philippine Consulate sa Dubai sa pagbabalik kan nagkapirang international flights hali sa Dubai International Airport, alagad padagos na pigmo monitor an marikas na pagbabago sa sitwasyon huli sa tensyon sa pagultangan kan Estados Unidos, Israel asin Iran.
Mientras tanto, inanunsyar man kan sarong airline company sa Pilipinas an kanselasyon kan nagkapirang flights pasiring sa Doha, Riyadh asin Dubai puon kan Marso 3 hasta Marso 5.
An pagbubukas kan UAE airspace an kasunod kan paramientras na pagsasarado kaini kan Marso 1 huli sa mga pag-atake kan Iran
