LEGAZPI CITY-Pigrekomenda ni Presidential Adviser on Cordillera Affairs Assistant Secretary Antonio Tabora, an paggamit nin tunneling method sa paggibo nin mga tinampo sa nacion.
Ini huli sa kadakul na mga kalamidad na pirmihang nangyayari sa Pilipinas arog kan mga bagyo asin baha kun sain dakul na mga tinampo an nababaha, narurumpag, o natatahuban nin darakulang kahoy.
Segun ki Tabora, panahon na ngani ikonsiderar o ilaog kan gobierno an paggamit nin tunneling sa paggibo nin mga tinampo, urog na sa mga bukid na rehiyon.
Nagtutubod an opisyal na dakulang kaginhawahan ini sa mga lugar na prone sa rain-induced damage huli ta mas dikit na maintenance an kaipuhan sa mga tunnels.
Sinabi niya na naggagamit na nin siring na sistema an ibang nacion arog kan Japan asin South Korea, asin pwedisir suboot arogon ini kan gobierno kan Pilipinas.
Igwa suboot nin supisyenteng kapasidad asin teknolohiya an nacioon sa pag-implementar kan siring na sistema, mantang an Pilipinas pwedisir man maghagad nin dagdag na kaaraman sa ibang pang mga nacion.
