LEGAZPI CITY-Tinanggal sa posisyon ni U.S. President Donald Trump an economic official na si Erika McEntarfer, kan Commissioner of Labor Statistics huli sa mga akusasyon na minamanipula kaini an mga datos kan mga trabaho sa nacion, na iniladawan kan Presidente kan Amerika bilang pamomolitika sa saiyang administrasyon.
An pagtanggal sa U.S official kasunod kan sarong bareta na nagpapahiling nin pagbaba sa job market sa Amerika.
Bagay na dai nagustuhan ni Trump asin sinabing pineke an mga ini ngani magin maraot siya asin an Republicans.
Segun sa pinakabagong datos hale sa Department of Labor kan Amerika, an pagdakol kan mga trabaho kan Hulyo mas hababa kaysa sa piglalaoman na 73,000 na mga karagdagan sa trabaho.
Binatikos man kan mga kritiko si Trump sa pagpapatalsik sa economic official kung sain nagsabing an pagtanggal sa posisyon kaini, nagpapahiling nin maraot na halimbawa kan pagigin ”authoritarian countries” kan Estados Unidos asin an pagigirn sarong “democratic” na nacon.
Kinondinar man kan National Association for Business Economics (NABE) an pag-tanggal kay McEntarfer asin tinawan doon an mga pagbabago sa mga numero kan trabaho, iyo an parte sana kan kinahahampang kan ahensya sa gobierno siring kan Bureau of Labor Statistics.
Mientrastanto, padagos man na naglalaom an Federal Reserve na magsasagibo nin mga bagong lakdang an gobierno ngani matugunan an pagluya kan ekonomiya, mantang nagpapadagos an mga taripa asin iba pang mga angat ekonomiya kan Amerika.
