Inapod ni US President Donald Trump na “American territory” ang Strait of Hormuz mantang nagpapadagos an tensyon asin sagupaan sa pagultangan kan Estados Unidos asin Iran.
Sa sarong campaign event sa South Carolina, sinabi ni Trump na pigkonsiderar na suboot niyang teritoryo kan Amerika an strategic waterway huli sa blockade na ipinaotob kan Washington laban mga barkong may koneksyon sa Iran.
Liwat na binanggit ni Trump an posibilidad nin kadugangang aksiyong militar laban sa Iran mantang nagtitinr na dae nag-uusad an mag esfuersos na makua an sarong kasunduang pangkapayapaan.
An Strait of Hormuz, na nasa pagultangan kan Iran asin Oman, an saro sa pinakaimportanteng ruta kan krudo sa kinaban. Pigkarkulong nasa ikalimang parte kan global seaborne oil supply an komon na nag-aagi digdi.
Sa nasabing campaign event, sinuportahan ni Trump ang kandidatura ni Sen. Darline Graham, na nagdadalagan nganing permanenteng punan an puwesto sa Senado na nawalat makalihis namaaram an saiyang tugang na si Lindsey Graham.
Sa hudyan kan saiyang talumpati, nagpakonswelo man si Trump mapadapit sa posibilidad nin liwat na pambobomba sa Iran.
