LEGAZPI CITY- Ligtas an sarong tripulante makalihis na diritan na pagkasulo kan piglulunadan kaining bangka mantang naka ankorahe sa Fish landing kan Pioduran Albay.
Segun kay Noel Ordoña, an Municipad Disaster Risk Reduction Management Office Head kan Pio Duran, sa intrevista kan Bombo Radyo LEgazpi nagluluto an parasisira sa laog kan bangka asin dae narisa na may kataning palan na sarong galon nin gasolina ini kun kaya makaskas na nahigop kan kalayo an gasolina saka nagliyab.
Tulos man na naitapok kan parasira sa dagat an naglalaad na galon kaya naisalbar man an posibilidad na pagkasulo kan nasabing fishing boat.
Mientrastanto, pigduon man kan opisyal na dae man pigtuyo an nasabing pangyayari asin aksidente suboot ini.
Naghagad naman nin despensa an tripulante huli ta maikukunsederar man ining sarong environmental violation alagad sinabi kan opisyal na nasabotan man ninda an nagyari sa pagpensar na baad magperwisyo pa nin dakula.
Abiso kan opisyal magin kan Philippine Coastguard na kaipuhan na harayo an makina sa kalan mantang nagluluto sa laog kan bangka ngane na maibitaran an kaparehong aksidente.
