LEGAZPI CITY- Dakol na kurso an pig-oopresir kan Technical Education and Skills Development Authority (TESDA) Bicol para sa mga dae makaadal sa kolehiyo siring na man sa mga nagmamawot na magkaigwa nin skills training.
Apwera digdi, sinabi ni Rose Perida, tagapagtaram kan TESDA Bicol na igwa sindang scholarship program na pwedesir na maabila sa paagi kan pag-aaply sa saindang mga opisina o sa paagi kan online application.
Nag-aako man suboot sinda maski kan mga bako tapos nin highschool huli ta igwa man nin trainer na ma-assess kun anong kurso an pwedesir na laogan.
Dugang pa ni Perida, kaipuhan na maaraman ninda kun ano an interes kan sarong estudyante ngani na matawanan nin training na magkakanigo sa mismong mawot na maadalan.
Katakod kaini, pig-iingganyar kan opisyal an gabos na interesadong mag-enrol sa maski anong TESDA courses na abilable sa saindang anom na eskwelahan asin mga pribadong partner institution.
Kabale sa mga kursong pwedesir na pagpilian an welding, bartending, housekeeping, tailoring, masonry, information and communication technology asin iba pa.
