Nagpasiring an Taiwan investigators sa apat na mga lokasyon katakod kan pigsasagibong imbestigasyon sa pinaghalian kan mga pagers na suminabog mantang pigagait kan mga Hezbollah operatives sa Lebanon.
Marurumduman na dakol an nag-kwestyon kun sain naghali an nasabing mga device asin kun papano ini nai-supply sa Hezbollah.
Ini makalihis an pag-detonate kan ginatos na mga pagers asin walkie-talkies sa Lebanon na rason kan pagkagadan kan labi sa 30 mga indibidwal.
Enot ng nagluwas sa mga report na nagtanom an Israel nin mga pampasabog sa shipment kan pagers hali sa Taiwan Gold Apollo.
Alagad mahigot man na pinahimutikan kan Gold Apollo an pagpo produsir kan nasabing mga devices kaya naglansar na nin imbestigasyon an Taiwanese prosecutors sa pinaghalian kaini.
