Nagadan an tulong hikers sa pagsabog kan Mount Dukono volcano sa Indonesia ngunyan na Biyernes, Mayo 8.
Narespondehan kan rescuers an gabos nin survivors gikan sa grupo kan 20 hikers, na nawara makalihis an pagsabog.
Kadaklan sainda an inebakwar na hale sa kabulodan, alagad nawalat an duwa nganing magtabang sa paghahanap kan mga lawas.
Segun sa mga opisyal, nag-hiking ang grupo, kabale an siyam na Singaporeans, pasiring sa bulkan sa ibong pa kan nag-iiral na climbing ban.
Basado sa Volcanological Survey kan Indonesia, sumabog an bulkan alas-7:41 nin aga local time, na nagbuga nin mahibog na abo sa kalangitan.
An Mount Dukono an saro sa pinaka-aktibong bulkan sa Indonesia asin famuso ini na pigdayo kan mga hiker asin turista.
