Nagpasalamat an Magnificent 7 kay Senate President Francis “Chiz” Escudero huli sa nalinawan sinda na bako obheto kan Senado na suspendiron an PUV modernization program taliwas sa saindang pighuhuna.
Kun babalikan nagkaigwa nin pag-urulay si Senate President Francis “Chiz” Escudero sa Senado kasabay an transport group na “magnificent 7” na suportado an PUV Modernization Program.
Segun kay Obet Martin, Presidente kan Pasang Masda sa naging intrevista kan Bombo radyo Legazpi nagkaigwa na nin klaripikasyon kasuudma dapit sa pigsunad na resolution kan senado sa pagsuspendir kan PUV modernization program.
Paliwanag suboot ni Chiz na bako enterong programa an isususpendir kundi solamenteng para lang ini sa mga drivers na dae pa nakapag consolidate kan saindang prangkisa ngane na matawan nin tyansa na makapag consolidate pa.
Pagkakataon man suboot ini ngane na maipaliwanag nin marhay sa mga tyuper an dapat nindang maaraman dapit sa nasabing programa.
Enot kayang nagkulog an boot kan nasa haros 80% na mga drivers na nakapag consolidate na kan ipaluwas kan Senado an resolution sa pagsususpendir kan PUV modernization program.
Mientrastanto, nagtutubod man an opisyal na madakol an makikisumaro sa nasabing programa kun maipaliwanag nin marhay kan Department of Transportation asin Land Transportation Franchising and Regulatory Board an dapit sa nasabing programa.
