LEGAZPI CITY-Naarestar an sarong suspek makalihis na mangsaksak ini huli suboot sa selos sa sarong pampublikong merkado sa ciudad kan Ligao.
Segun kay Ligao City Police Lieutenant Colonel Herminio Olivares, sa intrevista kan Bombo Radyo Legazpi, na nangyari an pangsasaksak huli sa pagtaram kan agom kan biktima kaya nagselos an suspek.
An suspek sarong pedicab driver, 54-anyos, asin residente kan Barangay Bagumbayan Ligao City, asin an biktima n asarong market vendor, 40-anyos, asin residente kan Barangay Tagpo Ligao City.
Nagsapo nin saksak sa hawak asin braso an biktima.
Inoobserbaran naman an biktima sa ospital mantang pighahalat man kan polisya an medical record kaini na siyang madepende kung ano an isasangat na kaso sa suspek.
mientrastanto, nasa himpilan na kan Ligao Police Station an biktima asin an ginamit na ice-stick sa pangsasaksak.
Mensahe man kan opisyal na magluway-luway sa mg adesisyon, dai pagagihon ini sa init kan payo, makaukod na makipagkapwa-tawo, asin iwasan an pakikipag-iwal ngani maibitaran an mga siring kaini na insidente.
