Pigsyerto ni Senate Blue Ribbon Committee Chairman Ping Lacson na dae maaapektaran an substance o content kan saindang partial committee report manungod sa flood control anomaly maski igwang mga pagbabago sa lingwaheng ginamit.
Segun ki Lacson, padagos pa man giraray sa working progress an nasabing report makalihis na napagkasunduan sa pag-oolay kan mga miyembro kan komitiba kasuodma na i-adjust an nagkapirang termino o phraseology.
Sa ibong kaini, piglinaw kan senador na an nasabing rebisyon an ngani sanang magin mas acceptable an mga wording kaini asin dae na mabago an resulta kan imbestigasyon.
Sa oras na matapos na an terminolohiya, tulos ining ipapalibot nganing makatipon nin supisyenteng mga pirma.
Kaipuhan kan Blue Ribbon Committee na magkua nin mga pirma gikan sa onseng miyembro nganing pormal na mag-file o ma-report out an dokumento sa plenaryo kan Senado asin magpoon nin debate.
