LEGAZPI CITY- Pigkokunsiderar na dakulang honra kan ciudad nin Legazpi an pagigin honesto kan chief tanod kan barangay Taysan, Legazpi City na si Edward Tripulca makalihis mag-uli nin labi sa P200,000 na kwarta sa sarong negosyante.
Alagad nagluwas sa nagkapirang mga impormasyon na sarong residente na nagngangaran na David Del Mundo suboot an nakapurot kan nasabing kwarta, asin ipig-turn over sana sa nasabing chief tanod.
Segun ki Legazpi City Councilor Renato Valladolid sa intrevista kan Bombo Radyo Legazpi na magpapadara siya nin persona ngani na kumpirmaron an bilog na detalye urog pang an nasabing chief tanod sana an nakalaag sa blotter sa barangay.
Mas marhay suboot na matawan linaw an impormasyon ngani na matawan man nin pagrekonosir si Del Mundo kasabay kan nasabing tanod.
Marurumduman na nagsunad si Councilor Valladolid nin resolusyon na inaprubaran man kan Sangguniang Panlungsod kan Legazpi ngani na magtaong pagbisto sa pagigin honesto kan nasabing chief tanod.
Sinabi kan opisyal na plano niya na dumanan sinda Tripulca asin Del Mundo ngani na maaraman an detalye kan pangyayari, kasabay kan pag-omaw kan pagigin honesto kan mga ini.
