Nagtetenir na panó an stock kan bagas sa mga bodega o warehouse kan National Food Authority (NFA) sa ibong pa kan magkakasunod na bagyong nagrapado sa nacion kan nakaaging semana.
Segun ki NFA Administrator Larry Lacson, dae pa masyadong kadakol an nababawas sa mga stock nin bagas sa mga NFA warehouse.
Maski na suboot may mga mag-abot na mga bagyo sa nacion, preparado sinda digdi.
Inireport man kan opisyal na nasa duwang bodega sa Ilocos Region an nakapagrehistro nin destroso sa nakaaging kalamidad kaiba an saro sa Alaminos, Pangasinan asin saro sa La Union.
Alagad, sienerto ni NFA Administrator Lacson na igwang bastanteng stock nin bagas an NFA na madurar sagkod 12 aldaw katumpad kan 452,000 paroy o 9 milyong mga sako nin bagas.
