LEGAZPI CITY-Target kan South Korea na poonan an pagpapaotob kan bagong ley mapadapit sa mga salang impormasyon na pigpo-post online.
Katakod kaini, mas hihigotan an penalidad asin padusa sa mga pauru-utrong mabayolar sa tahaw kan mga problema sa epekto kan malayang pamamahayag sa nabanggit na nacion.
An nasabing ley, kaipuhan nin mga pangenot na plataporma na matatag kan bagong response systems, kasunod kan nagdadakol na problema sa nacion manungod sa digital misinformation kaiba na an mga high-profile na kaso kan mga sikat na personalidad.
Alagad nagpatanid an mga pulitiko kan oposisyon, civic groups asin mga eksperto sa media na posibleng paluyahon kaini an free speech asin magbubukas kan government-influenced censorship.
An Asian tech powerhouse, iyo an dati nang naglalaom sa mga general defamation laws asin civil damage claims ngani matugunan an mga salang impormasyon, nin warang malinaw na legal framework na tumatarget sa pig-aapod na fake news.
Sa paagi kan rebisyon sa ley kan information and communications network, nakisumaro an iba pang nacion huli sa pagdakol kan falsehoods online na posibleng peligroso.
Sa presente, an mga naggagamit asin nagpapakalat nin salang impormasyon, posibleng magbayad nin limang beses sa aktwal na kantidad kan danyos.
An mga repeat offenders na an content ilegal para sa korte, posibleng mahampang sa $655,000 na multa.
