Kinumpirmar ni Senate President Vicente “Tito” Sotto III na pirang beses niyang pigporbar na kontakon si si Sen. Ronald “Bato” dela Rosa, alagad wara siyang nareresibe na simbag hale sa senador puon kan dae na ini nag-atendir sa mga sesyon kan Senado puon pa kan Nobyembre kan nakalihis na taon.
Sa sarong pahayag sinabi ni Sotto na nagpadara na siya nin duwa sagkod tulong text messages kay De la Rosa makalihis na maghale ini sa Senate group chat.
Segun ki Sotto, huri niyang kinontak si De la Rosa haros duwang bulan na an nakalihis, bako sana nganing kumustahon kundi nganing magpasalamat man makalihis magtagpo an saindang pamilya sa sarong event sa General Santos City.
Binanggit man ni Sotto na nag-text siya kay De la Rosa katakod kan 2026 national budget, huli an senador an nagserbing vice chair kan Senate committee on finance asin itinalagang miyembro kan bicameral conference committee.
Nilinaw pa ni Sotto na warang kapangyarihan ang Senado na piriton an sarong miyembro kaini na maglaog sa trabaho sagkod padagos man na nagtatrabaho an opisina kaini.
