LEGAZPI CITY- Aktibo an mga kapulisan sa provincia kan Sorsogon katakod kan selebrasyon kan Chinese New Year ngunyan na aldaw.
Segun ki Sorsogon Police Provincial Office Spokesperson Major Arwin Destacamento sa intrevista kan Bombo Radyo Legazpi na nakipag koordinar sinda sa mga establishimento de negosyo na nagkondusir nin mga aktibidad.
Ini an ngani na makapagtaong seguridad sa komunidad kasabay kan okasyon.
Sinabi kan opisyal na nagdesignar nin mga personahe sa mga matatawong lugar ngani na mamantenir an paz y orden.
Napag-araman na tinutukan man an mga Chinese community ngani na maasegurar an maugmang selebrasyon sa paagi kan mga simpleng aktibidad na saindang ginibo.
