LEGAZPI CITY – Naka-‘high alert’ status ngonian an bilog na provincia kan Sorsogon katakod kan piglalaomang epekto kan Bagyong Jenny urog na sa piglalaomang makusog na mga pag-uran.
Sa intrevista kan Bombo Radyo Legazpi ki Sorsogon Provincial Disaster Risk Reduction and Management Office head Engr. Raden Dimaano, nakipag-koordinar na sa PAGASA kun sain napag-araman na moderate to heavy rains an maii-eksperyensyahan sa maghapon.
Nagsuspinder man nin klase sa bilog na provincia an mga lokal na gobierno puon sa elementarya hasta sekondarya sa pribado asin pampublikong eskwelahan.
Mahigot man an abiso ni Governor Chiz Escudero na ipaotob an precautionary measures tangarig na maibitaran an anuman na dae piglalomang insidente.
Ngonian na hapon an pigsasabing pinakaharaning distansya kan bagyo sa provincia kun dae magbabago an hiro kaini. Sa ibong na lado, ginatos na pasahero man an napendiente an biyahe sa mga pantalan sa Bicol makalihis kanselaron kan Philippine Coast Guard (PCG) an sea trips sa limang provincia afuera sa Sorsogon.
