Magigin parte kan defense team ni dating Presidente Rodrigo Duterte an international criminal law expert na si Kate Gibson, bilang associate counsel.
Si Gibson an parte kan legal team na nagin dalan sa acquittal kan sarong dating Congolese vice president na kinasuhan sa International Criminal Court (ICC).
Pilini si Gibson ni British barrister Peter Haynes, na magseserbing bagong lead counsel ni Duterte sa pigkakahampang kaining crimes against humanity.
Si Haynes an nagribay ki British Israeli lawyer Nicholas Kaufman na dating may kapot sa kaso kan dating presidente.
Bisto si Gibson na nagrerepsentar sa mga dating pamayo nin manlain lain na estado, mga military leaders asin mga biktima sa international courts puon kan 2005.
Kaibanan siya sa mga nagtrabaho sa kaso kan Congolese politician na si Jean-Pierre Bemba sa laog nin sampulong taon.
