LEGAZPI CITY—Nanindugan si Kabataan Partylist Representative Congresswoman Renee Co na dapat magpadagos an pagpahayag kan dagit kan namamanwaan kontra sa mga imbueltong indibiwal sa korapsyon na enot nang pinuonan sa paagi kan pagprotesta.
Ini makalihis na hasta sa presente an wara pang napapanimbag na indibidwal sa maanomalyang flood control projects sa ibong kan promesa ni Presidente Ferdinand Marcos Jr. na may makakarsel na opisyal bago an aldaw nin Kapaskuhan.
Segun ki Cong. Renee Co, sa intrevista kan Bombo Radyo Legazpi, dapat na mas magpadagos an counter-narrative kan namamanwaan mapadapit sa isyu kan korapsyon.
Pigtawan-duon man kaini na dapat dae sana ipigsumiter sa Independent Commission for Infrastructure an mga isyu sa flood control projects kundi dapat magtubod sa sadiri an namamanwaan na maibuyagyag an mga siring kaining isyu.
Kaya man suboot na gibohon kan namamanwaan an pagsisiyasat sa tabang kan pagkasararo asin dae ini ipag-asa sa mga pulitiko, ahensya o institusyon sa pagsiwalat nin hustisya.
