LEGAZPI CITY- Bahagyang nagbabalik na sa normal an biyahe kan mga cargo truck sa nagkapirang pantalan sa rehiyong Bicol.
Ini makalihis an nairehistrong pagruso kan nasabing mga cargo truck siring na sana sa pantalan kan Matnog, Pio Duran asin iba pa huli sa epekto kan paramientras na dae pag-agi sa San Juanico bridge.
Segun ki Port Management Office Bicol Media Relations Officer Achilles Galindes sa intrevista kan Bombo Radyo Legazpi na under construction an San Juanico bridge kaya naghahanap nin ibang ruta an mga biyahero na pasiring sa Visayas asin Mindanao.
Napag-araman na nagkaigwa nin bahagyang pagbagal kan biyahe sa nasabing mga pantalan huli sa dae pinag-antisiparan na bulos kan mga biyahero.
Aminado kaya an opisyal na dae man basta-basta makakapag deploy nin dugang na mga vessel an mga shipping companies huli ta busy man an mga ini sa iba pang mga ruta.
Mientras tanto, nagpaotob man nin mahigot na seguridad sa mga pantalan ngani na maibitaran an dae pinaglalaoman na mga insidente kasabay kan pagbulos kan mga biyahero.
