Mas pinakusog pa kan mga otoridad an pigigibong esfuersos ngani na mapugulan an paglakop pa kan nairehistrong oil spill sa Singapore.
Segun sa mga report, naglakop na an oil spill sa southern Singapire asin sa nagkapirang baybayon.
Ikanaalarma man huli ta apektado na an nagkapirang marine reserve sa nasabing mga lugar.
Huli digdi, dagos-dagos an mga pigigibong clean up drive nganing dae na maglakop sa mga kataraid pang baybayon.
Nangyari an oil spill makalihis na mabangga kan sarong Netherlands-flagged dredger an nakapundo na Singapore-flagged bunker vessel sa southern port kan Pasir Panjang.
Sinabi kan mga otoridad na napundo na man ngonyan an leak sa nasabing barko.
