LEGAZPI CITY- Padagos an monitoring kan Sinag sa suplay kan mga karneng orig asin bagas sa merkado publiko kan nasyon.
Ini katakod naman kan pigsasagibong rollout kan mga bakuna kontra sa African Swine Fever asin an pagtutok kan grupo sa presyo kan mga bagas sa merkado.
Segun kay Rosendo So,an Sinag President sa intrevista kan Bombo Radyo Legazpi, makalihis an 28 aldaw saka pa sana suboot maaaraman kun naging epektibo an mga bakuna.
Kun enkaso suboot na magin epektibo an vaccine kontra ASF sa laog kan 6 na bulan an pwedesir na ining maging abilable sa mga merkado.
Sa ibong na lado, nanutaran man suboot an dae pagbaba kan presyo kan mga bagas sa merkado dawa pa pigimplemintar na an pagbawas sa taripa sa 15%.
Segun pa kay Rosendo So nagkakawat man liwat sa P47-P60 pesos an kada kilo kan bagas sa nakalihis na duwa sagkod 3 bulan na pagmomonitor kaini.
Halangkaw pa man suboot ini kun ikukomparar kan nakalihis na enero maski na mataas pa an taripa sa 35%.
Dugang pa kaini na kaipuhan na mamaximize an local products ngani na may tyansang magbaba an presyo kan bagas huli sa babakalon an paroy na mas hibaba an presyo alagad nagkikita pa man an mga paraoma.
Mientrastanto, ikinaogma man kan grupo an pagtatao nin ayuda ni Presidente Marcos sa mga paraoma.
