LEGAZPI CITY-Pigpopoonan na kan St. Gregory the Great Cathedral an paghahale sa mga burak bilang senyales kan pagpopoon kan Lent Season.
Katakod kaini, nagpagirumdom man an simbahang katoliko mapadapit sa fasting o an pag-ayuno asin abstinence o an dai pagkaon nin anumang klase nin karne.
Segun kay St. Gregory the Great Cathedral Parish Pastoral Council Lay Co-chair Dehna Sevilla, sa intrevista kan Bombo Radyo Legazpi, na sa pagpoon kan lent, pigpapahingaloan an mga sadiri asin dapat an tawo magin conscious o seryuso.
Sa mga panahon na ini pigrurumdom an pasakit kan satuyang Kagurangnan kun sain pasiring na an istorya sa pasyon sa pagkagadanan kan Kagurangnan.
Paliwanag ni Sevilla na an ash o abo, iyo an pagirumdom na “From dust we came, and to dust we will return”, kun kaya nagkakaigwa nin ash wednesday.
An mga nasa edad 12-anyos sagkod 59-anyos, kun sain bago maging senior citizen, kinakaipuhan an fasting o pag-ayuno poon sa aldaw nin Miyerkules asin abstinence naman o an dai pagkaon nin anumang klase nin karne tuyong aldaw nin Biyernes o good friday.
Sinabi pa ni Sevilla na ini an saro sa mga aspeto na dai na napa-practice kan mga Katoliko orog na kan mga jovenes.
Dagdag pa niya na na warang pigpipili an edad, kabale na an mga omboy sa pagpapalag nin ash basta saro sa mga baptised catholic.
Sa mga panahon na ini, tinawan doon ni Sevilla na dapat nagtatao na nin panahaon an mga katoliko sa laog nin 40 aldaw na magkumpisal asin mag-practice kan pasyon.
