Pigkumpirmar ni Shiela Guo, tugang ni dismissed Bamban Mayor Alice Guo, an detalye kan saindang naging pagtakas hale sa Pilipinas.
Pigsabi kaini na kaiba niya sinda Alice asin Wesley Guo sa paghali.
Nagsakay suboot sinda sa bangka antes nakapasiring sa Malaysia.
Antes ini, may nagsundo suboot sa sainda na van gikan sa saindang harong.
Alagad dae niya aram an lugar kun saen sinda ipigbaba.
Nagtutubod an mga senador na parte kan subcommittee on justice and human rights hearing, na dakula an maitatabang na impormasyong ini para makausad an saindang imbestigasyon.
