Pinangaranan kan International Criminal Court (ICC) sinda Senador Ronald “Bato” dela Rosa asin Senador Christopher Lawrence “Bong” Go bilang mga co-perpetrators sa kasong may kinaaraman sa kampanya kontra droga ni dating Presidente Rodrigo Duterte.
Basado sa ipinaluwas na Document Containing the Charges (DCC), tinukoy si Duterte bilang indirect co-perpetrator sa irarom kan Article 25 (3)(a) kan Rome Statute para sa mga krimen kontra sangkatauhan, partikular na murder asin attempted murder.
Nakalaag sa dokumento na an mga paggadan an nangyari puon 2011 hasta 2019, kaibanan na an insidente sa Davao City na pigkokunektar sa Davao Death Squad, asin mga operasyon sa irarom kan “war on drugs” sa panahon kan saiyang administrasyon.
Segun sa ICC na an pagkakasabay ninda dela Rosa asin Go sa listahan an huli sa saindang papel sa pagpapaotob asin pagsuporta sa polisiya kan drug war.
Kaibanan man sa mga tinukoy na opisyal an nagkapirang dating miyembro kan gabinete asin law enforcement agencies na may direktang kinaaraman sa operasyon.
Kaibanan digdi sinda:
Ronald “Bato” Dela Rosa
Vicente Danao
Camilo Cascolan
Oscar Albayalde
Christopher Lawrence “Bong” Go
Dante Gierran
Isidto Lapeña
Vitaliano Aguirre II
Iba pang opisyal kan Philippine National Police asin high-ranking government officials.
