LEGAZPI CITY-Nangapudan si Senate Deputy Majority Leader Risa Hontiveros sa Department of Foreign Affairs na tulos aksyunan an suboot mga “pag-atake” kan Chinese Embassy sa Maynila laban sa mga opisyal ng Pilipinas na nagdedepensa sa West Philippine Sea.
Sa sarong surat kay Foreign Affairs Secretary Ma. Theresa Lazaro, nabanggit kan Senadora an sarong social media post kan embahada pigaakusaran asin pigtutulugsa si Commodore Jay Tarriela, an tagapagtaram kan Philippine Coast Guard para sa WPS.
Katakod kaini, pighagad kan senadora na linawo kan ahensya kun may pigsasagibo ining lakdang laban sa embahada asin kun an siring na hiro naguuyon sa Vienna Convention on Diplomatic Relations.
Sinabi ni Hontiveros na pig-iinsulto na kan China an direchos sa kadagatan siring man an mga opisyal.
Dai dapat suboot tutugutan an Chinese Embassy na insultohon an mga lingkod-bayan kan satuyang nacion.
Nabanggit man kan Senadora na an Philippine foreign service palagiang nagtutubod na an mga tensyon sa pagultanan kan mga nacion an dapat lutason sa diplomatikong paagi, asin bako sa pagtatao nin pangigipit kan mga opisyal.
