Pighayag kan nagkapirang miyembro kan Kamara de Representate na dapat na magpaliwanag si Senator Ronald “Bato” dela Rosa sa International Criminal Court sa suboot nagin papel kaini sa giyera kontra droga kan administrasyong Duterte.
Marurumduman na si Dela Rosa an nagserbing pamayo kan Philippine National Police durante kan administrasyon ni dating Presidente Rodrigo Duterte.
Segun ki House Deputy Majority Leader Jude Acidre asin House Assistant Majority Leader Jil Bongalon na dapat na matawan linaw an suboot pagkaka imbwelto kaini sa madugong kampanya kontra iligal na droga kan nakalihis na administrasyon.
Paliwanag kan mga kongresista na dapat na hampangon kan senador an mga kaso sa International Criminal Court ngani na matawan man nin tsansa na madangog an istorya kan mga nagadan kan drug war.
Dae suboot mainenegar na may ginampanan ining papel sa implementasyon kan nasabing kampanya kontra iligal na droga.
