Aaramon kan Senate Impechment Court kun papano ginastos an confidential funds ngunyan na ika-limang semana kan impeachment trial ni Vice President Sara Duterte.
Segun ki House Prosecutor Terry Ridon, tutukaron ngunyan na semana an detalye kun ano an nangyari sa na-encash na kwarta, siring man kun kiisay ini napasiring asin kung nata sa siring na paagi ginastos.
Nakatalaan na tumestugo ngunyan na semana an dywang state auditors hali sa Commission on Audit (COA) asin saro pang archivist.
Dae man ipigpapasipara kan mga lehislador an posibilidad na tukaron an dapit sa kontrobersiyal na Mary Grace Piattos.
Marurumduman na kan nakalihis na semana, nagtestigo an duwang dating branch manager kan Land Bank of the Philippines (LandBank), kun sain ipigsaladawan ninda bilang “unusual” an duwang darakulang cash withdrawal kan Office of the Vice President asin Department of Education (DepEd).
Liwat na ipagpapadagos an impeachment trial bandang alas-10 nin aga ngunyan na Lunes, Agosto 3.
